Dy të lënduar në një aksident trafiku në Mitrovicë
19.4.2024 - 14:44
Dy persona kanë pësuar lëndime si pasojë e një aksidenti që ka ndodhur në fshatin Shupkovc në magjistralen Mitrovicë – Prishtinë.
Rastin për KALLXO.com e ka konfirmuar zëdhënësi i policisë për Rajonin e Mitrovicës së Jugut, Avni Zahiti, më 19.04.2024.
“Aksident trafiku me lëndime rreth orës 10:00. Është raportuar se në rrugën nacionale Mitrovicë – Prishtinë, segmenti rrugor në fshatin Shupkovc, ka ndodhur një aksident trafiku me lëndime. Në këtë aksident janë përfshirë dy vetura, si pasojë e aksidentit dy persona kanë pësuar lëndime”- ka thënë Zahiti.
