Ilustrim: Naser Fejza
Gjuajtje me armë afër një pompe karburantesh në Prishtinë, Policia jep detaje
18.4.2024 - 21:32
Një gjuajte me armë zjarri është raportuar të ketë ndodhur sonte, më 18.04.2024, në 19:30h në Prishtinë.
Zëdhënësja e Policisë së Kosovës për rajonin e Prishtinë, Flora Ahmeti, ka thënë se ngjarja ka ndodhur në afërsi të një pompe derivatesh.
“Menjëherë pas marrjes së informatës Policia ka dalë në vendin e ngjarjes dhe ka ndërmarrë të gjitha veprimet e nevojshme” – tha Ahmeti.
Tutje ajo shtoi se bazuar në të dhënat e deritanishme në këtë rast nuk ka ndonjë person të lënduar.
Ahmeti tregoi se hetuesit policorë në koordinim me Prokurorinë po ndërmarrin veprimet hetimore për ndriçimin e plotë të rastit.
Gjithashtu ajo shtoi se prezenca e njërit prej personave të përfshirë në rast është siguruar nga ana e Policisë.