Drejtësia në Kosovë diskuton për parregullsitë në Policinë e Kosovës

Këtë të diel, në “Drejtësia në Kosovë” mund ndiqni emisionin për parregullsitë në Policinë e Kosovës.

Pse Policët e Kosovës frikësohen të arrestojnë kriminelë të caktuar? Kënd  akuzojnë policët për pengim në hetime dhe ndalim të arrestimeve? Cilat janë rrëfimet e Policëve të Kosovës lidhur me telefonatat nga strukturat e larta komanduese të PK-së, me të cilat urdhërohet ndërprerja e hetimeve?

Çfarë  thonë zyrtarët e PK-së për këto akuza?

Ku qëndron problem që zyrtarët e PK-së nuk kanë ku të ankohen për presionet ndaj tyre?

Çfarë masash përdoren për t’u disiplinuar policët e padëgjueshëm?

Pse Sindikata e Policisë së Kosovës nuk po arrin t’i përfaqësojë interesat e Policëve të Kosovës?

Gjatë emisionit ndiqni edhe përshtypjet të cilat i kanë  Policët e Kosovës për arrestimet e fundit të kolegëve të tyre në brezin kufitar me Merdaren.

Çka iu ka penguar atyre më së shumti në këtë arrestim?

Si kishin vepruar ata në këso raste dhe kush është fajtori për këto arrestime?

Për të gjitha këto gazetari Kreshnik Gashi në kushte anonimiteti ka intervistuar katër zyrtarë të Policisë së Kosovës, prej të cilëve dy rreshter dhe dy oficer policie, dhe:

Shaban Tashollin, nga Sindikata e Policisë së Kosovës;

Naim Rexha, nga drejtoria PK-së;

Behar Selimi, ish-drejtor  i PK-së dhe tani deputet i Kuvendit të Kosovës.

Në fund, ndiqni rubrikën ‘Policia’ me aksionet e drejtpërdrejta të Policisë së Kosovës.

Drejtësia në Kosovë çdo të diel në ora 21:00 dhe repriza të mërkurën në mesditë.