Jeta në Kosovë interviston Majlinda Kelmendin
Si pjesë e edicionit special, me njerëz që janë shembull se si mund të punohet e të arrihen suksese në Kosovë, përkundër të gjitha vështirësive, këtë të enjte “Jeta në Kosovë” prezanton punën e olimpistes Majlinda Kelmendi.
Pse mediet e huaja kanë promovuar më shumë Majlinda Kelmendin, sesa ato në Kosovë? Cilat janë sfidat e Kelmendit në përgatitjet për lojërat olimpike?
Si ishte Majlinda Kelmendi shumë afër për ta pranuar ofertën qindra mijëra euroshe të Azarbejxhanit, pasi që u gjend në situatë, kur familja e saj mezi mbijetonte, përderisa asaj i jepej një ofertë vështirë e rezistueshme nga një shtet tjetër?
Çka ka bërë shteti i Kosovës për Majlindën? Si duket ajo kur humb? Cila është ëndrra e njeriut kryesor, i cili e bëri Majlindën sportiste të nivelit më të lartë botëror, trajnerit Driton Kuka?
Gjatë debatit, transmetohen katër reportazhe të medieve ndërkombëtare që e ilustrojnë suksesin e Majlindës. Debati pasohet me pyetjet nga publiku, shumica nga ta studentë.
“Jeta në Kosovë”, çdo te enjte në ora 20:20 dhe repriza të premten, në mesditë.