Kërkoi ndihmë mjekësore në emergjencën e Ferizaj pasi ishte therur me thikë, i lënduari transferohet në QKUK

Një person ka kërkuar ndihmë mjekësore pasi i njëjti kishte pasur lëndime trupore të shkaktuara nga një mjet i mprehtë. 

Policia ka njoftuar se i lënduari ka shkuar në emergjencën e Ferizajt me plagë të shkaktuara nga thika. 

Këto plagë dyshohet se viktimës i ka shkaktuar një person tjetër i dyshuar. 

Ngjarja është regjistruar në rrugën “Ramadan Rexhepi” më 19.04.2024. 

Viktima sipas policisë ka pasur plagë të rënda andaj dhe është dërguar nga Emergjenca e Ferizajt në Qendrën Klinike Universitare të Kosovës (QKUK) në Prishtinë. 

Policia ka njoftuar se i dyshuari është arrestuar ndërsa rasti po hetohet dhe është iniciuar si vrasje në tentativë.